मंत्रींच्या ताफ्यावरून शेतकऱ्यांचा सवाल; सोशल मीडियावरील व्हिडिओ चर्चेत

मंत्रींच्या ताफ्यावरून शेतकऱ्यांचा सवाल; सोशल मीडियावरील व्हिडिओ चर्चेत

यवतमाळ : राज्याचे मंत्री तथा पालकमंत्री संजय राठोड यांच्या वाहन ताफ्यावर टीका करत एका युवकाने सोशल मीडियावर व्हिडिओ प्रसिद्ध केला असून, हा व्हिडिओ सध्या मोठ्या प्रमाणात व्हायरल होत आहे. संबंधित युवकाने शेतकरी आणि सत्ताधाऱ्यांमधील आर्थिक विषमतेचा मुद्दा उपस्थित करत सरकारवर निशाणा साधला आहे.

https://www.instagram.com/reel/DY905-Ty3Zu/?igsh=MWpiYXQ4cG1teTVncQ==

व्हिडिओमध्ये युवक म्हणतो की, “मंत्री संजय राठोड साहेब तुम्ही २२ गाड्यांचा ताफा घेऊन फिरता, तर आमचा शेतकरी डिझेल आणण्यासाठी उन्हाचा वाफा सहन करत आहे.” या वक्तव्यातून शेतकऱ्यांच्या वाढत्या उत्पादन खर्चाकडे आणि इंधनाच्या दरांमुळे निर्माण झालेल्या अडचणींकडे लक्ष वेधण्याचा प्रयत्न करण्यात आला आहे.

सध्या शेतीसाठी डिझेल, बियाणे, खत आणि मजुरी यांचा खर्च मोठ्या प्रमाणात वाढला असून, अनेक शेतकरी आर्थिक संकटाचा सामना करत आहेत. अशा परिस्थितीत मंत्री आणि नेत्यांच्या मोठ्या ताफ्यांवर होणारा खर्च हा जनतेमध्ये चर्चेचा विषय ठरत असल्याचेही बोलले जात आहे.

दरम्यान, या व्हिडिओतील दाव्यांबाबत कोणतीही अधिकृत पुष्टी झालेली नसून, सोशल मीडियावर व्यक्त करण्यात आलेल्या मतांमुळे राजकीय वातावरणात चर्चा रंगली आहे. संबंधित व्हिडिओवर नागरिकांकडून विविध प्रतिक्रिया उमटत असून, काहींनी शेतकऱ्यांच्या प्रश्नांकडे गांभीर्याने लक्ष देण्याची मागणी केली आहे.